ممكن استفسار

دبا شي ست سنين باش حلمت بواحد الراجل كبير فالعمر لابس جلابة رمادية غامقة و لحية طويلة و مشعكة فيها شويا ديال الشيب وجهو طويل قجني و قالي مني أداوي ليا هاد الولد مكيدويش أنا بقيت كنبكي قالي بغيتي ولا كرهني أداوي ليا الدراري الصغار من بعد لي كنمشي غندو كيقول ليا عندك ميمون الكحل العارض واحد السيدة قطعاتو ليا فسيدي علي الله يجازيها بالخير و لكن بانو حوايج اخرين مالين الغابة كنكون كالسا حتا كنقندش و كنتعصب علا والو واحد الهيستيرية خايبا بزاف قالو ليا مالين الغابة لي مدوخينك دخلات عندي لآلة مليكة واحد النهار حلمت اننا قدام واحد الباب كبير أنا واحد السيدة لابسا الخضر و راجل لابس لبسة دياب كناوا كحلة قاتلو ديك المرا حبس عليا هاد الضرب و حط القراقب و بقا كيشوف فيا قالو ليا عندك حتا الحمدوشية و لكن لي بغيت نفهم هاد التقنديشة مناش كتجيني كنولي بحال الحمقة نقدر نقتل